Хоолой өвдөх нь халдварын улмаас гүйлсэн булчирхай үүсэх,эрүүний доорх булчирхай цочиж,халуурах,толгой болон үе мөчөөр өвдөх зэрэг шинж тэмдгээр илрэн хэл,эрүүний доорх булчирхай цочих,хэлний угийн арын 2 талын булчирхай улайх,жижиг голомтот идээ буглаа үүсэх,хөөмийн ар хана,арын хүнхрээний судас улайж өргөсөх,халуурах,толгой болон үе мөчөөр өвдөх шинжээр илрэх өвчнийг ангина гэнэ.
   Үүсгэгч нь: Янз бүрийн эмгэг үүсгэгч нь нян халдварын шалтгаантай.Халдвар авах зам нь өвчтэй хүнээс халдвар авах,даарах,биеийн эсэргүүцэл сулрах,хэт халууцаж байгаад хүйтэн ус,ундаа уух зэрэг юм. Энэ нь цааш архагшиж,үе мөчний өвчин,зүрхний олдмол эмгэг үүсэх шалтаг болж болно.Залуу,бага насны хүүхдэд гол төлөв тохиолдоно.
   Эмчид үзүүлэх хүртлээ хоолойгоо содтой,давстай бүлээн усаар зайлна.Марганц хүчлийн дөнгөж ягаан өнгө оруулсан уусмалаар зайлж болно. Халуурч халуун буухгүй,толгой үе мөчөөр өвдөх үед бага насны хүүхдэд парацетамолын лаа нэгийг бүдүүн гэдсээр,том хүнд нэг бүтэн шахмалыг уулгана.